პორტფელები
საინვესტიციოდ მიმზიდველი აქციების შერჩევა ინვესტორისთვის ძალიან მნიშვნელოვანი და აუცილებელი ამოცანაა. თუმცა ეს ერთადერთი არ არის და ინვესტირება სწორედ აქედან არ უნდა იწყებოდეს. ინვესტორის მუშაობა უნდა იწყებოდეს საკუთარი საინვესტიციო პორტფელის შექმნით.
საინვესტიციო პორტფელის შესაქმნელად ინვესტორს სჭირდება:
- განსაზღვროს თავისი საინვესტიციო მიზნები (ბავშვების განათლება, უზრუნველყოფილი პენსია, ფინანსური დაცვა სამსახურის დაკარგვის შემთხვევაში და სხვა).
- მიმდინარე ფინანსური მდგომარეობის გათვალისწინებით (დანაზოგები, შემოსავლები, ხარჯები) და საინვესტიციო მიზნების შესაბამისად, გამოთვალოს საჭირო შემოსავლიანობა, რომელიც საშუალებას მისცემს მიაღწიოს ამ მიზნებს.
- ასაკის, ხასიათისა და რისკის ტოლერანტობის გათვალისწინებით, განსაზღვროს მისთვის მისაღები რისკის დონე.
- განსაზღვროს აქტივების კლასების პროპორციები პორტფელში, რომლებიც უზრუნველყოფს მიზნების მიღწევას: აქციები, ობლიგაციები, ETF, REIT, ბონდები, ოქრო.
- შეავსოს თითოეული აქტივის კლასი კონკრეტული ფასიანი ქაღალდებით და ინსტრუმენტებით.